Dil aaj sabr bhar kar le tu,
kuch pee le tu, kuch jee le tu.
kuch raahi hi to chute hai,
kuch sapne hi to tute hai.
kuch raste thode sunsaan hue,
kuch chehre bas gumnaam hue.
ham meet naye banayenge,
kuch geet naye bhi gaayenge.
fir bin karan kehkahe gunjenge,
fir yunhi masti mein ghumenege.
fir raat hans hans beetegi,
zindagi fir se kuch jeetegi.
bas aaj sabr bhar kar le tu,
kuch pee le tu, kuch jee le tu.
kyu rota hai, kyu khota hai,
pagal kyun tu chota hota hai.
kuch manzil hi to dur hui,
thodi mushkil hi zarur hui.
nayi rahen fir banayenge,
kuch naya khoj kar laayenge.
ek basti fir hogi apni,
neend puri fir hogi apni.
bas aaj sabr bhar kar le tu,
kuch pee le tu, kuch jee le tu.
ye to aksar hi hota hai,
kuch aata hai, kuch jaata hai,
ispar hasne mein kya ghata hai?
tujhko to ab aadat hogi,
kyu jeene ki fir chahat khodi?
aankon ko fir kyu karta hai nam,
patthar ko bhi kya hota hai gam?
Dil aaj sabr bhar kar le tu,
kuch pee le tu, kuch jee le tu.
